ខេត្តកំពង់ធំ÷ ពលរដ្ឋខ្មែរសម្ដែងការឈឺចាប់ខ្លាំងណាស់ខណៈសៀមឈ្លានពានទឹកដីមិនទាន់បាត់រលាត់ផង បែរជាឈ្មួញថ្លើមខ្មៅទាំង ៤នាក់ គិតតែប្រយោជន៍ដល់ខ្លួន មិនគិតមិនខ្វល់ពីការឈឺចាប់របស់ពលរដ្ឋ និងកងទ័ព ដែលបានបាត់បង់ជីវិតក្នុងសមរភូមិនិងសង្គមឡើយ បែរជាឈ្មួញទាំងបួននាក់នេះនាំអង្ករថៃចូលមកកម្ពុជាតាមច្រកកំពង់ស្រឡៅ ចំនួន ៣រថយន្តធំៗយ៉ាងរលូនមកដល់ទឹកដីខេត្តកំពង់ធំទើបជាប់អន្ទាក់សមត្ថកិច្ចឃាត់បាន។
ជនទាំង 4 នាក់នោះមានឈ្មោះ ÷ ១- លោក ដន ទី រស់នៅ ភូមិ កំពង់ស្រឡៅ ឃុំ កំពង់ស្រឡៅ ស្រុក ឆែប ខេត្ត ព្រះវិហារ។ ២- លោក ភូ គេន រស់នៅ ភូមិ កំពង់ស្រឡៅ ឃុំ កំពង់ស្រឡៅ ស្រុក ឆែប ខេត្ត ព្រះវិហារ។៣- លោកស្រី លុយ យ៉ាន់ រស់នៅ ភូមិ កំពង់ស្រឡៅ ឃុំ កំពង់ស្រឡៅ ស្រុក ឆែប ខេត្ត ព្រះវិហារ។ ៤- លោក សន ភ័ណ្ឌ រស់នៅ ភូមិ កំពង់ស្រឡៅ ឃុំ កំពង់ស្រឡៅ ស្រុក ឆែប ខេត្ត ព្រះវិហារ។ ចំណែកមន្ត្រីគយ ដែលមកសុំអន្តរាគមន៍ឈ្មោះ លោក សុខ ឡាដេត ។ប្រជាពលរដ្ឋខ្មែររិះគន់យ៉ាងចាស់ដៃចំពោះឈ្មួញនាំអង្ករនិងមន្ត្រីគយដែលចុះអន្តរាគមន៍ ថាមិនគួរណាភ្លេចកំណើតដែលសៀមមាឃងាយហើយឬ? មិនត្រឹមតែមិនគិតពីទុក្ខកង្វល់របស់ពលរដ្ឋទេថែមទាំងមើលងាយទឹកចិត្តរបស់ទ័ពជួរមុខទៀតផង មិនតែប៉ុណ្ណោះអង្ករក្នុងស្រុកមានយ៉ាងច្រើនសន្ធឹកសន្ធាប់លក់មិនចេញផង។ហេតុអ្វីបានជាអស់លោកមន្ត្រីចោលម្សៀតនិងឈ្មួញភ្លេចកំណើតនាំអង្ករមកលក់យ៉ាងរំភើយបែបនេះ។
ដូច្នេះក្រសួងពាណិជ្ជកម្មមិនគួរនាំចូល អង្ករពីសៀមទេព្រោះនៅកម្ពុជាបច្ចុប្បន្នស្រូវអង្ករនៅសល់ច្រើនណាស់ហើយកំពុងធ្លាក់ថ្លៃខ្លាំងផង ការនាំចូលមកបែបនេះ រឹតតែធ្វើឲ្យស្រូវអង្ករក្នុងស្រុកកាន់តែធ្លាក់ថ្លៃថែមទៀត ។ តែបេីនិយាយអំពីជាតិនិយម អស់លោកឈ្មួញទាំងនេះ មិនគួរនាំអង្ករថៃចូលទេ ព្រោះថៃបានឈ្លានពានយេីង សម្លាប់កងទ័ពយើង សម្លាប់ប្រជាជនយើង បំផ្លិចបំផ្លាញភូមិដ្ឋានប្រជាពលរដ្ឋយើង យើងគួរតែចេះឈឺចាប់ហេីយនាំគ្នាធ្វើពហិការឈប់ប្រើប្រាស់ផលិតផលថៃ ។សូមឈ្មួញទាំងនេះ មេត្តាពិចារណាឡេីងវិញ កុំឆាប់ភ្លេចខ្លួន កុំឆាប់ភ្លេចការឈឺចាប់ ហើយឈប់នាំអង្ករថៃ ឬ ផលិតផលថៃចូលមកទៀត អាណិតកងទ័ពយើង នគរបាលយេីង ប្រជាជនយើង ដែលកំពុងរងគ្រោះដោយថៃឈ្លានពាន។
ពលរដ្ឋសំណូមពរសុំឲ្យរាជរដ្ឋាភិបាលបញ្ឈប់ឈ្មួញទាំងនេះនឹងចាត់ការមន្ត្រីគយដែលឲ្យនាំចូលនូវអង្ករទាំងនេះជាបន្ទាន់បើមិនចង់ឲ្យពលរដ្ឋរិះគន់ថាក្បត់ឆន្ទៈរាស្ត្រក្បត់ទឹកចិត្តកងទ័ពនិងមិនធ្វើពលិកាឈប់ប្រើទំនិញសៀម។