Month: June 2020

ខេត្តបន្ទាយមានជ័យ ក្រោយពីមានស្លាប់មនុស្សដល់ទៅ៤នាក់ និង រងគ្រោះដល់ទៅ៧នាក់ដោយសារតែនាំគ្នា ផឹកស្រាសម្រួលសសៃ ក្រពះ និង ស្រាថ្នាំចិនសែ តាំងគួយ អាជ្ញាធរនិងសមត្ថកិច្ចទូទាំងខេត្តបន្ទាយមានជ័យបាននឹងកំពុងបន្តស្រាវជ្រាវនិងររឹបអូសយកស្រាថ្នាំដែលបង្កពុលស្លាប់នោះ នៅស្រុកម៉ាឡៃ និងក្រុងប៉ោយប៉ែត កាលពីព្រឹក ថ្ងៃទី១០ ខែមិថុនា ឆ្នាំ២០២០ ។ ចំណែកមន្ទីរសុខាភិបាលខេត្តកំពុងប្រមូល បញ្ជូនសំណាកវិភាគទៅកាន់មន្ទីរពិសោធន៍ដើម្បីរកឲ្យឃើញថា សារធាតុអ្វីដែលបង្កពុលនោះ ។លោកឧត្តមសេនីយ៍ទោ អាត់ខែម ស្នងការនគរបាលខេត្តបន្ទាយមានជ័យបានឲ្យដឹងថាតាមការបំភ្លឺបឋមពីជនរងគ្រោះបានឲ្យដឹងថានៅថ្ងៃទី៨ មិថុនា ២០២០ ពេលល្ងាចក្រោយពីសម្រសកពីការងារសាងសង់សំណង់ ពួកគាត់មានគ្នាចំនួនជាច្រើននាក់ បានទៅទិញស្រាថ្នាំតាំងគួយ ចំនួន១យួរតំលៃ១២.០០០រៀល យកមកផឹកខ្លែមជាមួយសាច់ឆ្កែ…

សេចក្តីបកស្រាយបំភ្លឺរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ទាក់ទងទៅនឹងករណីបង្កហឹង្សាកាលពីយប់ថ្ងៃទី០៦ ខែមិថុនា ឆ្នាំ២០២០ វេលាម៉ោង ២៣:៣០នាទីយប់ ។ បុរសម្នាក់ឈ្មោះ កាន់ វុទ្ធី ភេទប្រុស អាយុ៣៨ឆ្នាំ មុខរបរម្ចាស់ហាងធារ៉ា ស្ថិតនៅផ្ទះលេខ៧៨ ផ្លូវលេខ១០៨ សង្កាត់វត្តភ្នំ ដែលបានបង្កហឹង្សាលេីបុគ្គលិករបស់ខ្លួនត្រូវបានសមត្ថកិច្ចនៃអធិការដ្ឋាននគរបាលខណ្ឌដូនពេញ រៀបចំសំណុំឯកសារបញ្ជូនទៅតុលាការ បន្ទាប់ពីទទួលបានព័ត៌មាន និងបានឃេីញវីដេអូខ្លីបរយ:ពេល ៣នាទី អំពីករណីម្ចាស់ភោជនីយ៍ដ្ឋានមួយឈ្មោះ ធារ៉ា មានជម្លោះជាមួយភរិយា ឃេីញដូច្នេះបុគ្គលិកក៏បានជួយចូលឃាត់ ក្នុងពេលនោះបុរសជាប្តីដែលជាម្ចាស់ហាងបានប្រើអំពើហឹង្សាយកចានគប់ និងទាត់ធាក់បុគ្គលិក បណ្តាលឲ្យរងរបួស ចំពោះហេតុការណ៍នេះកើតឡើងតាំងពីយប់ថ្ងៃទី០៦…

ខេត្តពោធិ៍សាត់៖ ក្រុមការងារមន្ទីរកសិកម្ម រុក្ខាប្រម៉ាញ់ និងនេសាទ ខេត្តពោធិ៍សាត់ ដឹកនាំដោយលោក កាំង សុវណ្ណ នាយសង្កាត់រដ្ឋបាលជលផលសំពៅមាស ដោយមានការចូលរួមពីមន្រ្តីខណ្ឌរដ្ឋបាលជលផល កំលាំងប៉ុស្តិ៍នគរបាលរដ្ឋបាលត្នោតជុំ និងមេភូមិថ្មី ចុះបង្រ្កាបបទល្មើសជលផល ដាក់របាំងកាត់បិតស្ទឹងនារដូវបិតនេសាទ(ត្រីពងកូន) ។ ករណីកម្លាំងសហការបង្រ្កាបការធ្វើនេសាទ ដោយប្រើឧបករណ៍ខុសច្បាប់ស្ដីពីជលផលខាងលើ ធ្វើឡើងនាព្រឹកថ្ងៃទី១០ ខែមិថុនា ឆ្នាំ២០២០ នៅក្នុងទឹកស្ទឹងធា្លម្អម ត្រង់ចំណុចអង្គចំទើត ស្ថិតនៅភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់ ។ លទ្ធផល៖ ក្រុមការងារចុះសហការបង្រ្កាបបទល្មើសជលផល ដោយបំផ្លាញចោលនូវឧបករណ៍ខុសច្បាប់ស្ដីពីជលផល(របាំងដាក់កាត់បិតស្ទឹង)ដើម្បីចាប់ត្រីក្នុងរដូវបិតនេសាទ(ត្រីពងកូន)នេះ…

ខេត្តពោធិ៍សាត់៖ កម្លាំងប៉ុស្តិ៍នគរបាលរដ្ឋបាលរលាប ប្រជាការពារភូមិ សហការចុះល្បាតក្នុងដែនសមត្ថកិច្ចរបស់ខ្លួន ដើម្បីភូមិឃុំមានសុវត្ថិភាពប្រជាពលរដ្ឋ ក្នុងនោះឃាត់ខ្លួនជនសង្ស័យម្នាក់រួមទាំងវត្ថុតាងសត្វពាហនៈ(ក្របីញី)ចំនួន ២ក្បាល ។ ករណីបង្រ្កាបឃាត់ចាប់ខ្លួនជនសង្ស័យពាក់ព័ន្ធចោរកម្មខាងលើ ធ្វើឡើងនៅវេលាម៉ោង២ និង០០នាទីរំលងអាធ្រាត្រ ឈានចូលថ្ងៃពុធ ៥រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែមិថុនា ឆ្នាំ២០២០ ត្រង់ចំណុចជន្ទល់កូន ស្ថិតនៅភូមិឆ្លងកាត់ សង្កាត់រលាប ក្រុង.ខេត្តពោធិ៍សាត់ ។ លោក វរៈសេនីយ៍ត្រី អ៊ុន ហូ…

បន្ទាយមានជ័យ: អ្នកញៀនស្រាថ្នាំចំនួន០៤នាក់បានស្លាប់និង១១នាក់ផ្សេងទៀតកំពុងសង្គ្រោះបន្ទាន់ ខណៈដែលពួកគេបានជួបជុំគ្នាផឹកស្រាថ្នាំប៉ូវកំលាំងក្រោយសម្រាកពីការងារ។ហេតុការណ៍ពុលស្រាថ្នាំឈានដល់ការស្លាប់និងសង្គោះបន្ទាន់បានកើតឡើងនៅល្ងាចថ្ងៃទី០៩ខែមិថុនាឆ្នាំ២០២០ក្នុងភូមិសាស្ត្រស្រុកមង្គលបូរីនិងក្រុងប៉ោយប៉ែត។ លោក ស៊ិន ណារ៉ាក់ អធិការនៃអធិការដ្ឋានស្រុកមង្គលបូរីបានប្រាប់តាមទូរសព្ទ័នៅព្រឹកថ្ងៃទី១០ខែមិថុនានេះថា ជនរងគ្រោះសុទ្ធសឹងជាកម្មករសំណង់។ពួកគេបានផឹកស្រាចិនសែប្រភេទប៉ូវកម្លាំងមានយីហោ តាំងគួយ ក្នុងអំឡុងថ្ងៃអាទិត្យនិងថ្ងៃចន្ទ័ក្រោយម៉ោងសម្រាកការងារនៅបួនទីតាំងផ្សេងគ្នានិងបួនក្រុម។ក្នុងនោះបីក្រុមផឹកស៊ីនៅក្នុងស្រុកម៉ាឡៃនិងមួយក្រុមទៀតផឹកស៊ីនៅក្នុងក្រុងប៉ោយប៉ែត។ លោកអធិការស្រុកមង្គលបូរីបានបញ្ជាក់បន្ថែមថាជនរងគ្រោះដែលបានស្លាប់ទាំងបួននាក់គឺជាសមាជិកនៃក្រុមនិមួយៗ គឺមួយក្រុមស្លាប់ម្នាក់។ហើយអ្នកស្លាប់ទាំង៤នាក់មានបីនាក់ជាអ្នករស់នៅក្នុងស្រុកមង្គលបូរីនិងម្នាក់ទៀតជាអ្នករស់នៅក្នុងក្រុងប៉ោយប៉ែត។ដោយឡែកជនរងគ្រោះដែលកំពុងសង្គ្រោះបន្ទាន់ទាំង១១នាក់មាន៩នាក់កំពុងសម្រាកនៅមន្ទីរពេទ្យបង្អែកស្រុកមង្គលបូរីនិង២នាក់ទៀតសម្រាកនៅមន្ទីរពេទ្យបង្អែកក្រុងប៉ោយប៉ែត។ ជុំវិញករណីពុលនេះដែរលោកអធិការស្រុកមង្គលបូរីក៏បាននិងកំពុងកសាងសំណុំរឿងបញ្ជូនបន្តទៅស្នងការដ្ឋានដើម្បីចាត់ការតាមនីតិវិធីច្បាប់លើអ្នកផលិតស្រាចិនសែតាំងគួយដែលធ្វើអ្នកផឹកស្លាប់បន្តបន្ទាប់។

សៀមរាប៖ ផ្ទះមួយខ្នងត្រូវបានអគ្គិភ័យឆាប់ឆេះបំផ្លាញទាំងស្រុងរួមទាំងសម្ភារផងដែរហេតុការណ៍បានកើតឡើងវេលាម៉ោង១៧និង៣០នាទី ថ្ងៃទី០៩ខែមិថុនា ឆ្នាំ២០២០ នៅចំណុចជប់ស្មាច់ ភូមិត្រាវបាក់ ឃុំតាយ៉ែក ស្រុកសូទ្រនិគម។ សមត្ថកិច្ចបានឲ្យដឹងថាម្ចាស់ផ្ទះឈ្មោះទ្រឿន សាយ័ន ភេទស្រី អាយុ៣៦ឆ្នាំ ទីលំនៅចំណុចភូមិ ឃុំកើតហេតុខាងលើ មុនពេលកើតហេតុម្ដាយរវល់ដាំបាយ មិនដឹងថាកូនលេងដែកកេះដុតឆេះជញ្ជាំងស្បូវនោះទេ បណ្ដាលអោយឆេះអស់ផ្ទះ០១ខ្នងសង់ពីឈើប្រក់ស្បូវ ជញ្ជាំងស្បូវទំហំ៤មx៦ម.លុយដុល្លា៥០០ដុល្លា.លុយខ្មែរ៦០ម៉ឺនរៀល.ស្រូវ០៥ការ៉ុង.អង្ករ០១ការ៉ុង និងសម្ភារប្រើប្រាស់ក្នុងផ្ទះមួយចំនួនតែសំណាងល្អមិនបង្កអោយមានគ្រោះថ្នាក់ដល់មនុស្សទេ។ ក្រោយកើតហេតុសមត្ថកិច្ចបានចុះសួរនាំធ្វើកំនត់ហេតុ រាយការណ៍ ទៅថ្នាក់លើ៕​

ឧត្តរមានជ័យ=រថយន្តក្រុងក្រុមហ៊ុនអូរខុងដឹកអ្នកដំណើរពេលយប់ចេញពីភ្នំពេញ ឆ្ពោះមកកាន់ស្រុកអន្លង់វែងខេត្តឧត្តរមានជ័យបានបើកធ្លាក់ពីលើផ្លូវចូលអូរ បណ្តាលឲ្យស្លាប់ក្មេងប្រុសចំនួន២នាក់ និងរងរបួសធ្ងន់ស្រាលចំនួនជាង២០នាក់។ ហេតុការណ៏នេះដែរកើតឡើងនៅលើកំណាត់ផ្លូវជាតិលេខ៦៧ បេ ស្ថិតចំណុចនៅភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យកាលពីវេលាម៉ោង៦ព្រឹក ថ្ងៃទី១០ ខែមិថុនា ឆ្ឆាំ២០២០នេះ។ តាមប្រភពព័តមានពីសមត្ថកិច្ចបានឱ្យដឹងជាបឋមនៅព្រលឹមព្រឹកនេះ ថា ករណីរថយន្តក្រុង របស់ក្រុមហ៊ុនអូរខុង ដែលបានដឹកអ្នកដំណើរពេលយប់ចេញមកពីភ្នំពេញ ឆ្ពោះមកកាន់ស្រុកអន្លង់វែងខេត្តឧត្តរមានជ័យលុះ ដល់ចំណុចកើតហេតុ ខាងលើ រថយន្តបានបើកធ្លាក់ពីលើផ្លូវចូលអូរ បណ្តាលឲ្យស្លាប់ក្មេងប្រុសចំនួន២នាក់ និងអ្នកដំណើរផ្សេងៗទៀតទទួលរងរបួសធ្ងន់ស្រាល សរុបចំនួន២២នាក់។ ត្រូវបានសមត្ថិកិច្ចដឹកបញ្ជូនមកសង្គ្គ្រោះបន្ទាន់នៅមន្ទីពេទ្យបង្អែកស្រុកអន្លង់់វែងផងដែរ៕ ព័ត៏មានបឋម