Month: July 2025

ខេត្តសៀមរាប÷ តបតាមសំណូមពរ និងពិនិត្យឃើញស្ថានភាពខ្វះខាតជាក់ស្ដែងរបស់លោកយាយលោកតាចំនួន១១គ្រួសារ រស់នៅភូមិព្រែកស្រមោច ឃុំកំពង់ឃ្លាំង ស្រុកសូទ្រនិគម ខេត្តសៀមរាប នារសៀលថ្ងៃទី០៩ ខែកក្កដា ឆ្នាំ២០២៥នេះ ព្រះវិចិត្រវង្សា ហែម គឹមសាន ព្រះគ្រូចៅអធិការវត្តប្រាសាទគោកចក ក្រុងសៀមរាប បានយកគ្រឿងឧបភោគបរិភោគ និងថវិកាមួយចំនួន ផ្ដល់ជូនដល់លោកយាយលោកតា ជួយសម្រាលការលំបាកបានមួយគ្រាក្នុងជីវភាពប្រចាំថ្ងៃ។ ព្រះវិចិត្រវង្សា ហែម គឹមសាន បានមានថេរដីកាថា សង្គហៈទានជាគ្រឿងឧបភោគបរិភោគនេះ គឺបានមកពីការប្រគេនរបស់ពុទ្ធបរិស័ទក្នុងពិធីបុណ្យផ្សេងៗនាពេលកន្លងមក ហើយគណៈកម្មការ និងចៅអធិការវត្តបានសន្សំបម្រុងទុក ដើម្បីចែករំលែក និងផ្តល់ជូនដល់គ្រួសារដែលមានជីវភាពខ្វះខាត ឬក៏ជួបហានិភ័យដោយសារគ្រោះធម្មជាតិផ្សេងៗ…

ខេត្តសៀមរាប÷ កម្មវិធីនេះអាចជាកម្មវិធីដំបូងគេនៅក្នុងព្រះរាជាណាចក្រកម្ពុជា ពីព្រោះថា ទោះបីកន្លងមកមានការប្រារព្ធពិធីនេះក៏ដោយ ក៏មិនប្រារព្ធក្នុងលក្ខណ:ឱឡារឹកនោះទេ ប៉ុន្តែសម្រាប់ការរៀបចំរបស់វត្តដំណាក់នេះ គឺមានពិធីហែព្យុហយាត្រាអាសាឡ្ហបូជា ដោយមានអ្នកចូលរួមរាប់ពាន់អង្គ/នាក់ ទៅតាមបណ្តាដងវិថីនានាក្នុងក្រុងសៀមរាបនារសៀលថ្ងៃទី១០ ខែកក្កដា ឆ្នាំ២០២៥ ដូចគ្នាទៅនឹងបុណ្យមាឃបូជា និង វិសាខបូជា ផងដែរ ។ ព្រះគ្រូធម្មវិសុទ្ធិរង្សី ឡាច ចន្ថា ព្រះគ្រូចៅអធិការវត្តដំណាក់ បានមានសង្ឃដីកាថា កន្លងទៅយេីងបានប្រារព្ធ បុណ្យមាឃបូជា និងវិសាខបូជាបានជោគជ័យ ដោយមានញាតិញោមពុទ្ធបរិស័ទយ៉ាងច្រេីនកុះករមកចូលរួម ។ ឥឡូវនេះយេីងចង់បង្ហាញពុទ្ធបិស័ទក៏ដូចជាប្រជាពលរដ្ឋខ្មែរយេីងឱ្យបានដឹងនូវបុណ្យអាសាឡ្ហបូជា។ ព្រះតេជគុណបានបន្ថែមទៀតថា បុណ្យនេះរំឭកព្រឹត្តិការណ៍៥ក្នុងសម័យពុទ្ធកាលគឺ កាលសត្តុសិតទេវបុត្រចុះចាប់បដិសន្ធិ១…