ខេត្តសៀមរាប= ថ្ងៃទី២៣ខែតុលាឆ្នាំ២០២០២០បទល្មើសនេសាទបានកើតឡើងយ៉ាងអាណាធិបតេយ្យពេញផ្ទៃទឹកនៅក្នុងឃុំអន្លង់សំណរស្រុក ជីក្រែង ខេត្តសៀមរាប បទល្មើសដាក់ឆ្នុកចាប់ពីកំពង់ឃ្លាំងមកគឺពេញផ្ទៃទឹកទាំងអស់ដូចជានៅ ចំណុចកោះផ្ដៅ ចំណុចវេហា ចំណុចភូមិថ្មី ចំណុចព្រៃគុក ចំណុចចងសេះ សុទ្ធតែមានពន្លឺភ្លើងឆ្នុក ដូចជាទីក្រុងហុងកុងចឹង។
រីឯលោកកើត គា លោកផាត់ ផៃ អធិការកិច្ចរដ្ឋបាលជលផលខាងជើងបឹងទន្លេសាប កំពុងតែដេកចាំយកលុយពីបទល្មើសដាក់ឆ្នុកនៅចំណុចកប់ចិន បើ តាមសេចក្ដីរាយការណ៍ពីប្រជាពលរដ្ឋនៅឃុំអន្លង់សំណបានបញ្ជាក់ថាឆ្នុកចាប់ពីកំពង់ឃ្លាំងមកមិនក្រោមពី ៧០០ ឆ្នុកនោះទេ ក្នុងឆ្នុកមួយបង់ឱ្យអធិការកិច្ចរដ្ឋបាលជលផលខាងជើងបឹងទន្លេសាបចំនួន ២៥ ម៉ឺនរៀល តាមប្រភពពីមន្ត្រីអាជ្ញាធរនិងសមត្ថកិច្ចមូលដ្ឋានក្នុងឃុំអន្លង់សំណ បានឲ្យដឹងថា ប្រសិនបើគ្មានការបើកដៃពីសំណាក់លោក កើត គា នាយអធិការដ្ឋានរដ្ឋបាលជលផលខាងជើងបឹងទន្លេសាប និងលោក ផាត់ ផៃ ជានាយរងទេនោះគឺបទល្មើសបទល្មើសឧបករណ៍ឆ្នុកភ្លើងពណ៌បៃតង មិនអាចកើតឡើងយ៉ាងរាលដាលបានឡើយ។
ប្រភពបានបង្ហើបឲ្យដឹងថា ក្នុងឆ្នុក១គ្រឿងត្រូវបង់លុយឲ្យលោក កើត គា នាយអធិការដ្ឋានរដ្ឋបាលជលផលខាងជើងបឹងទន្លេសាប និងបក្ខពួក២៥ម៉ឺនរៀល ទើបអាចចៀសផុតពីការបង្ក្រាប។ បញ្ហានេះជារឿងដែលលោក អេង ជាសាន អគ្គនាយករដ្ឋបាលជលផល និងលោក ទៀ សីហា អភិបាលខេត្តសៀមរាប គួរចាត់វិធានការទប់ស្កាត់ជាបន្ទាន់កុំឲ្យលោក កើត គា នាយអធិការដ្ឋានរដ្ឋបាលជលផលខាងជើងបឹងទន្លេសាប និងមន្ត្រីក្រោមឱវាទធ្វើអ្វីៗតាមអំពើចិត្តតទៅទៀត។
តាមការអះអាងរបស់ប្រជានេសាទក្នុងឃុំអន្លង់សំណ ស្រុកជីក្រែង ខេត្តសៀមរាប បានឲ្យដឹងថា ជារៀងរាល់ឆ្នាំលោក កើត គា នាយអធិការដ្ឋានរដ្ឋបាលជលផលខាងជើងបឹងទន្លេសាប និងលោក ផាត់ ផៃ ជានាយរង តែងប្រមូលលុយពីបទល្មើសនេសាទយ៉ាងសុខស្រួល។ ជាក់ស្តែងបច្ចុប្បន្ននេះបទល្មើសនេសាទប្រើឧបករណ៍ឆ្នុកភ្លើងពណ៌បៃតង លើផ្ទៃទឹកបឹងទន្លេសាប ឃុំអន្លង់សំណ ស្រុកជីក្រែង កំពុងក្លាយទៅជាប្រភពចំណូលដ៏សំខាន់របស់លោក កើត គា នាយអធិការដ្ឋានរដ្ឋបាលជលផលខាងជើងបឹងទន្លេសាប និងបក្ខពួក។
ហេតុនេះហើយទើបប្រជានេសាទក្នុងឃុំអន្លង់សំណ ស្រុកជីក្រែង ខេត្តសៀមរាប អំពាវនាវឲ្យលោក ទៀ សីហា អភិបាលខេត្តសៀមរាប និងលោក អេង ជាសាន អគ្គនាយករដ្ឋបាលជលផល ចាត់វិធានការបង្ក្រាបបទល្មើសនេសាទក្នុងស្រុកជីក្រែង ជាបន្ទាន់៕