Author: admin

(កំពង់ធំភ៖ នៅព្រឹកថ្ងៃទី០៣ ខែកក្កដា ឆ្នាំ២០២៦ នៅអគាររដ្ឋបាលស្រុកស្ទោង បានរៀបចំពិធីប្រកាសចូលកាន់តំណែងលោក យ៉ុម ហឿន ជាអភិបាលរង នៃគណៈអភិបាលស្រុកស្ទោង ក្រោមអធិបតីភាពឯកឧត្តម តាំង ម៉េងលាន អភិបាលរងខេត្តកំពង់ធំ និងមានការអញ្ជើញចូលរួមពីថ្នាក់ដឹកនាំខេត្ត ថ្នាក់ដឹកនាំស្រុក មន្ទីរ អង្គភាពជុំវិញខេត្ត កងកម្លាំងប្រដាប់អាវុធទាំងបីប្រភេទ អាជ្ញាធរមូលដ្ឋាន មន្ត្រីរាជការ ព្រមទាំងភ្ញៀវកិត្តិយសជាច្រើនរូប។ ពិធីនេះត្រូវបានរៀបចំឡើងក្នុងបរិយាកាសអធិកអធម ប្រកបដោយភាពថ្លៃថ្នូរ និងសាមគ្គីភាព ដើម្បីប្រកាសជាផ្លូវការពីការតែងតាំងលោក យ៉ុម ហឿន ឱ្យចូលកាន់តំណែងជាអភិបាលរង នៃគណៈអភិបាលស្រុកស្ទោង…

(កំពង់ធំ)៖ លោកអភិបាលស្រុកស្ទោងលើកទឹកចិត្តអ្នកផ្គត់ផ្គង់អាហារពេលព្រឹកតាមសាលារៀនបឋមសិក្សាត្រូវប្រើប្រាស់ផលិតផលនៅក្នុងសហគមន៍។ លោក សាយ គឹមឡម បានជំរុញលើកទឹកចិត្តដូច្នេះក្នុងឱកាសដែលលោកបានអញ្ជើញចុះជួបសំណេះសំណាល ទស្សនៈកិច្ចការទទួលទានអាហារពេលព្រឹករបស់សិស្សានុសិស្ស នៃសាលាបឋមសិក្សាធ្លក ស្ថិតនៅក្នុងឃុំចំណាលើ ស្រុកស្ទោង ខេត្តកំពង់ធំកាលពី នាព្រឹកថ្ងៃទី០២ ខែកក្កដា ឆ្នាំ២០២៦។ លោកបានបន្ថែមថាបច្ចុប្បន្ននេះបន្លែ ត្រី សាច់ ស៊ុត ដែលជាផលិតផលមានគុណភាព សុវត្ថិភាព គ្មានប្រើប្រាស់សារធាតុគីមី ដែលមិនប៉ះពាល់ដល់សុខភាពនៅក្នុងសហគមន៍តាមបណ្តាភូមិ/ឃុំ នានា ហេតុនេះអ្នកផ្គត់ផ្គង់ត្រូវតែ ទៅសហការដើម្បីទទួលទិញនូវផលិតផលទាំងនោះមកផ្គត់ផ្គង់ចម្អិនជាអាហារពេលព្រឹកសម្រាប់សិស្សជាប្រចាំដែលជាផ្នែកមួយនៃការលើកកម្ពស់សុខភាពសិក្សា និងសុខភាពសាធារណៈផងដែរ។ ជាមួយគ្នានេះលោកក៏បានលើកទឹកចិត្តដល់ចុងភៅ លោកគ្រូអ្នកគ្រូ សិស្សានុសិស្សត្រូវ សហការនិងអនុវត្តបានខ្ជាប់ខ្ជួននូវអនាម័យ៣ល្អ…

(កំពង់ធំ)៖ នាព្រឹកថ្ងៃទី៣០ ខែមិថុនា ឆ្នាំ២០២៦ នេះ លោកហាក់ម៉ុងហួតអភិបាល នៃគណៈអភិបាលស្រុកតាំងគោក និងសហការី បានអញ្ជើញចុះជួបសំណេះសំណាល សួរទុក្ខ ក៏ដូចជាស្តាប់នូវរាល់បញ្ហា សំណើ និងសំណូមពរផ្ទាល់ពីបងប្អូនប្រជាពលរដ្ឋ រស់នៅក្នុងភូមិគោកត្របែក ឃុំស្រឡៅ ស្រុកតាំងគោក ខេត្តកំពង់ធំ។ ក្នុងជំនួបដ៏ស្និទ្ធស្នាលនោះ លោក ហាក់ ម៉ុងហួត បានពាំនាំនូវប្រសាសន៍ផ្តាំផ្ញើសួរសុខទុក្ខពីសំណាក់ថ្នាក់ដឹកនាំគ្រប់លំដាប់ថ្នាក់ ជូនចំពោះបងប្អូនប្រជាពលរដ្ឋទាំងអស់ ដោយក្តីនឹករលឹក និងការយកចិត្តទុកដាក់ខ្ពស់បំផុតលើជីវភាពរស់នៅរបស់ប្រជាពលរដ្ឋនៅតាមមូលដ្ឋាន។ ឆ្លៀតក្នុងឱកាសនោះដែរ លោកអភិបាលស្រុក បានបើកឱកាសឱ្យបងប្អូនប្រជាពលរដ្ឋលើកឡើងនូវ៖បញ្ហាប្រឈម ស្វែងយល់ពីការលំបាកជាក់ស្តែងក្នុងការងារបង្កបង្កើនផលនិងជីវភាពប្រចាំថ្ងៃ បញ្ហាអត្រានុកូលដ្ឋាន…

(កំពង់ធំ)៖ នារសៀលថ្ងៃទី២៦ ខែមិថុនា ឆ្នាំ២០២៦ ក្រុមប្រឹក្សាស្រុកតាំងគោក បានរៀបចំវេទិកាផ្សព្វផ្សាយ និងពិគ្រោះយោបល់ ជូនដល់បងប្អូនប្រជាពលរដ្ឋនៅក្នុងឃុំចំនួនពីរគឺ ឃុំស្រឡៅ និងឃុំទ្រៀល ស្រុកតាំងគោក ខេត្តកំពង់ធំ ក្នុងគោលបំណងស្តាប់នូវរាល់ក្តីកង្វល់ បញ្ហាប្រឈម និងសំណូមពរនានា ដើម្បីស្វែងរកដំណោះស្រាយជូនប្រជាពលរដ្ឋនៅមូលដ្ឋាន។ វេទិកានេះបានប្រព្រឹត្តទៅក្រោមអធិបតីភាពរបស់លោកប៊ុនឈួន ប្រធានក្រុមប្រឹក្សាស្រុកតាំងគោក លោកហាក់ម៉ុងហួត អភិបាល.នៃគណៈអភិបាលស្រុកតាំងគោកដោយមានការអញ្ជើញចូលរួមពីសំណាក់ សមាជិកក្រុមប្រឹក្សាស្រុក, គណៈអភិបាលស្រុក, ប្រធានការិយាល័យ-អង្គភាពជុំវិញស្រុក, អាជ្ញាធរឃុំ, មេភូមិ, កងកម្លាំងប្រដាប់អាវុធទាំងបីប្រភេទ និងបងប្អូនប្រជាពលរដ្ឋប្រមាណ២៤២នាក់។ នៅក្នុងឱកាសនោះ គណៈអធិបតីបានបើកឱកាសយ៉ាងទូលំទូលាយជូនដល់ប្រជាពលរដ្ឋក្នុងការលើកឡើងជាមតិយោបល់ សំណួរ…

រដ្ឋបាលស្រុកស្ទោង សហការជាមួយ ផ្សារស្ទោងអភិវឌ្ឍន៍ បាននាំយកថវិកាទៅប្រគល់ជូនសាលារៀន៣កន្លែង ស្ថិតនៅក្នុងឃុំពាមបាង ដើម្បីគាំទ្រការអភិវឌ្ឍវិស័យអប់រំ និងជួយឆ្លើយតបទៅនឹងតម្រូវការចាំបាច់របស់គ្រឹះស្ថានសិក្សានៅតាមមូលដ្ឋាន (កំពង់ធំ)÷ ការប្រគល់ថវិកានេះ បានធ្វើឡើងនាព្រឹកថ្ងៃទី២៥ ខែមិថុនា ឆ្នាំ២០២៦ ដោយអនុវត្តតាមការសន្យារបស់លោក សាយ គឹមឡម អភិបាល នៃគណៈអភិបាលស្រុកស្ទោង ដែលបានធ្វើឡើងកាលពីពេលថ្មីៗកន្លងទៅ បន្ទាប់ពីលោកបានទទួលសំណើផ្ទាល់ពីថ្នាក់ដឹកនាំសាលារៀន អំឡុងពេលចុះបំពេញការងារ និងសំណេះសំណាលជាមួយប្រជាពលរដ្ឋនៅក្នុងមូលដ្ឋាន។ សកម្មភាពនេះ បានបង្ហាញឱ្យឃើញពីការប្តេជ្ញាចិត្តរបស់រដ្ឋបាលស្រុកស្ទោង ក្នុងការអនុវត្តតាមការសន្យាជាមួយប្រជាពលរដ្ឋ និងការយកចិត្តទុកដាក់ចំពោះវិស័យអប់រំ ដែលជាវិស័យអាទិភាពសម្រាប់ការកសាងធនធានមនុស្ស និងអភិវឌ្ឍសង្គមជាតិ។ ថវិកាដែលបានប្រគល់ជូននាពេលនេះ នឹងត្រូវយកទៅប្រើប្រាស់សម្រាប់គាំទ្រដល់សកម្មភាពនានារបស់សាលារៀន ពង្រឹងបរិយាកាសសិក្សា…

ប្រធានសមាគមអតីតយុទ្ធជន និងនិវត្តិជនកម្ពុជាស្រុកស្ទោង សម្ដែងការដឹងគុណយ៉ាងជ្រាលជ្រៅបំផុតដល់អតីតយុទ្ធជន ក្រុមគ្រួសារ ដែលបានពលីសាច់ស្រស់ ឈាមស្រស់ ដើម្បីបុព្វហេតុជាតិមាតុភូមិ និងព្រះមហាក្សត្រ (កំពង់ធំ)÷ លោក សាយ គឹមឡម បានសម្ដែងដូច្នេះក្នុងឱកាសដែលលោកអញ្ជើញប្រគល់ថវិកាបេឡាមរណសង្គ្រោះដល់គ្រួសារអតីតយុទ្ធជន និងជួបសំណេះសំណាលសួរសុខទុក្ខពលរដ្ឋងាយរងហានិភ័យប្រមាណ១៦គ្រួសារ នៅក្នុងភូមិអន្លង់ក្រាញ់ ឃុំពពក ស្រុកស្ទោង ខេត្តកំពង់ធំ កាលពីព្រឹកថ្ងៃទី២៣ ខែមិថុនាឆ្នាំ ២០២៦។ លោកបានសង្កត់ធ្ងន់ថា ការជួបសំណេះសំណាលសួរសុខទុក្ខ និងប្រគល់ថវិកាបេឡាមរណសង្គ្រោះនៅក្នុងឱកាសនេះ គឺជាការគិតគូរយកចិត្តទុកដាក់ខ្ពស់ពីសម្ដេចអគ្គមហាសេនាបតីតេជោហ៊ុន សែន ប្រធានសមាគម ដែលសម្ដេចតែងតែគិតគូរយកចិត្តទុកដាក់ខ្ពស់ដល់សុខទុក្ខ សុខុមាលភាពជីវភាពអតីតយុទ្ធជន និងនិវត្តន៍ជនកម្ពុជាព្រមទាំងក្រុមគ្រួសារគ្រប់ស្ថានភាព…